საზღვაო სააგენტო ამოწმებს ცნობას, რომ აშშ-ის მიერ დაკავებულ ტანკერზე ქართველებიც არიან

მათი ინფორმაციის თანახმად, რუსეთის დროშით მცურავი ტანკერის ეკიპაჟის მხოლოდ 2 წევრია რუსეთის მოქალაქე, ყველაზე მეტი, 20 - უკრაინის და 6, მათ შორის კაპიტანი - საქართველოსი. საქართველოს საზღვაო ტრანსპორტის სააგენტომ განაცხადა, რომ „ახორციელებს ფაქტობრივი გარემოებების დაზუსტებას, მათ შორის, გემის დამსაქმებელი კომპანიის იდენტიფიცირებას და ეკიპაჟის ქართველი წევრების შესახებ ინფორმაციის მოძიებას”. საგარეო საქმეთა სამინისტროს განცხადებით, 7 იანვარს აშშ-ის მიერ ატლანტის ოკეანეში დაკავებული ტანკერის Marinera -ს ეკიპაჟის შემადგენლობაში საქართველოს მოქალაქეების ყოფნასთან დაკავშირებით ღია წყაროებში გავრცელებული ინფორმაციის დასაზუსტებლად შესაბამის სამუშაოებს ახორციელებს. "ამ ეტაპზე საგარეო საქმეთა სამინისტროში ცნობა საქართველოს მოქალაქეების დაკავებასთან დაკავშირებით არ შემოსულა“,- აცხადებენ საგარეო საქმეთა სამინისტროში. გამოცემამ, „ნოვაია გაზეტა ევროპა“ გაარკვია, რომ ტანკერი Marinera (Bella 1) ეკუთვნის რუსეთის ქალაქ რიაზანში ნახევარი წლის წინ დარეგისტრირებულ კომპანია „ბურევესტმარინს“, რომლის დირ...