სატრანსპორტო დერეფნის კვლევის ცენტრი - ანაკლიის „ბლოკირებით“  საქართველომ რეგიონში გლობალური მოთამაშის სტატუსი დაკარგა

სატრანსპორტო დერეფნის კვლევის ცენტრის შეფასებით, ანაკლიის „ბლოკირებით“ საქართველომ რეგიონში გლობალური მოთამაშის სტატუსი დაკარგა. მათივე განცხადებით, „ანაკლიის ნავსადგურის მშენებლობის გადავადებამ, საქართველოზე გამავალ სატრანსპორტო დერეფანს დააკარგვინა შესაძლებლობა, ჩამოყალიბებულიყო, როგორც რუსეთზე გამავალი სატრანსპორტო დერეფნის რეალური ალტერნატივა“. სატრანსპორტო დერეფნის კვლევის ცენტრის შეფასებითვე, ანაკლიის პროექტის შეჩერებით, საქართველომ დაკარგა შესაძლებლობა აღმოსავლეთ და ცენტრალური ევროპიდან, ანაკლიის გავლით მოეზიდა „რევერსული“ ტვირთნაკადი. ამასთანავე, სატრანსპორტო დერეფნის კვლევის ცენტრი აღნიშნავს, ანაკლიის ნავსადგურის პროექტის გაურკვეველო ვადით შეჩერება რუსეთს აძლევს საშუალებას, დაეუფლოს ცენტრალური აზიის სტრატეგიულ ტვირთნაკადებს. „ანაკლიის ნავსადგურის, როგორც რეგიონში გლობალური მოთამაშის დანიშნულება, თავიდანვე მკაფიოდ იყო გაცხადებული, კერძოდ აფრიკიდან, სამხრეთ და ჩრდილოეთ ამერიკიდან, წამოსულ მაღალი წყალწყვის გემებს დაუბრკოლებლივ შეეძლოთ სუეცის არხის და სპარსეთის ყურის გავლით გად...