სასამართლოში ჯუანშერ ბურჭულაძის, მისი ყოფილი მოადგილის და ცოლის ძმის საქმეზე მოწმეთა დაკითხვა მიმდინარეობს

თბილისის საქალაქო სასამართლოში თავდაცვის ყოფილი მინისტრის, ჯუანშერ ბურჭულაძის, მისი ყოფილი მოადგილის, გიორგი ხაინდრავას და ბურჭულაძის ცოლის ძმის, ვასილ მხეიძის სასამართლო პროცესი გრძელდება. ამ წუთებში ბრალდების მხარის მოწმეთა დაკითხვა მიმდინარეობს. ასევე, პროცესზე გამოიკითხა ბიზნესმენი ილია გიორგობიანი, რომლის კომპანიაც საქართველოში სამედიცინო ტექნიკის იმპორტიორია. როგორც მან პროცესზე განაცხადა, მას 2023 წლის გაზაფხულზე დაუკავშირდა ნაცნობი, რომელმაც სამედიცინო აპარატურის შეძენასთან დაკავშირებით ინტერესი გამოთქვა და განუცხადა, რომ „საიდუმლო შესყიდვა“ იყო. "2023 წლის გაზაფხულზე დამიკავშირდა დიდი ხნის ნაცნობი ალექსანდრე ხეთერელი. მითხრა, რომ ენდოსკოპიური და ლაპაროსკოპიული ტექნიკა აინტერესებდა. მითხრა, რომ ეს საიდუმლო შესყიდვა იყო და გარკვეული სახის ინფორმაციას ვერ გასცემდა. ჩემთან აპარატურის ფასთან დაკავშირებით ივაჭრა, დაიდო ხელშეკრულება და შეიძინა ორი ენდოსკოპიური და ერთი ლაპაროსკოპიული აპარატი. ასევე, 2023 წლის ზაფხულში დამიკავშირდა ალექსანდრე და მითხრა, რომ აინტერესებდა კომპიუტერუ...