საპროტესტო გამოსვლები ირანში: მოსკოვის როლი და აშშ-ის პოზიცია

სამშაბათს, 13 იანვარს, აშშ-ის პრეზიდენტმა დონალდ ტრამპმა ირანელებს მოუწოდა, მთელი ქვეყნის მასშტაბით გააგრძელონ საპროტესტო აქციები. მან თქვა, რომ „დახმარება გზაშია“, თუმცა დეტალები არ დაუკონკრეტებია. ტრამპმა ასევე განაცხადა, რომ გააუქმა ირანელ ოფიციალურ პირებთან ყველა შეხვედრა, „სანამ მომიტინგეების უაზრო მკვლელობები არ შეწყდება“. მედიის ცნობით, დონალდ ტრამპის განცხადება წინა დღესთან შედარებით აშშ-ის პოზიციის ცვლილებაზე მიუთითებს. ორშაბათს თეთრი სახლის პრესმდივანმა კეროლაინ ლევიტმა ჟურნალისტებს უთხრა, რომ თეირანთან დიპლომატიური არხები ღია რჩება და რომ ირანმა ტრამპის სპეციალურ წარმომადგენელთან, სტივ უიტკოფთან, კერძო მოლაპარაკებებში „ძალიან განსხვავებული პოზიცია“ დაიკავა. ლევიტმა ასევე განაცხადა, რომ ტრამპი ძალის გამოყენებას არ გამორიცხავს. ადამიანის უფლებების დამცველმა დამოუკიდებელმა ორგანიზაცია HRANA-მ, რომელსაც აშშ-ში უდევს ბინა, 13 იანვარს განაცხადა, რომ მისი დადასტურებული მონაცემებით, ირანში საპროტესტო აქციების შედეგად დაღუპულთა რიცხვი 2003-მდე გაიზარდა. იმავე დღეს Reuters-ი ირანელ...