საპენსიო სქემაში გაწევრიანებულია 1.697 მლნ ადამიანი - რამდენ პირზე გაიცა საპენსიო დანაზოგი

30 ნოემბრის მდგომარეობით, საპენსიო სქემაში გაწევრიანებული იყო 1.697 მლნ ადამიანი, - ამის შესახებ აღნიშნულია საპენსიო სააგენტოს სტატისტიკაში. ამავე მონაცემების მიხედვით, 30 ნოემბრის მდგომარეობით, დაგროვებითი პენსიით 25 814-მა პირმა ისარგებლა, ჯამურად მათზე პენსიის სახით კი 118 მლნ ლარი გაიცა. „საპენსიო ფონდის აქტივების ღირებულებამ 8 მლრდ ლარს გადააჭარბა, ხოლო დაგენერირებულმა ამონაგებმა 2.2 მლრდ ლარს მიაღწია“, - აღნიშნულია საპენსიო სააგენტოს განცხადებაში. ცნობისთვის, საქართველოში დაგროვებითი საპენსიო სისტემა 2019 წლის 1-ლი იანვრიდან ამოქმედდა. საპენსიო ფონდში შენატანების ოდენობა ნაწილდება დამსაქმებელს, დასაქმებულსა და მთავრობას შორის. კერძო საპენსიო სისტემა ვრცელდება ფორმალურ სექტორში დასაქმებული პირების მიმართ შემდეგი პრინციპით - 2%+2%+2%.