Samsung-ის ახალი სმარტფონი სამმაგად იკეცება

სამხრეთკორეულმა Samsung Electronics-მა სამმაგი დასაკეცი ეკრანით პირველი სმარტფონი, TriFold წარადგინა, რითაც კომპანია თავისი პოზიციის გაძლიერებას ტელეფონის ბაზრის იმ სეგმენტში ცდილობს, რომელშიც კონკურენციის ზრდას პროგნოზირებენ. ამის შესახებ Reuters წერს. მოდელის ღირებულება 2 440 დოლარია. ის სამი პანელის გამოყენებით იშლება და 253-მილიმეტრიან დისპლეის ქმნის, რაც Samsung-ის უახლეს დასაკეც მოდელ Galaxy Z Fold 7-თან შედარებით, დაახლოებით, 25%-ით დიდია. სმარტფონი, TriFold შიდა ბაზარზე 12 დეკემბერს გამოვა და წელს ჩინეთში, სინგაპურში, ტაივანსა და არაბეთის გაერთიანებულ საემიროებში იქნება ხელმისაწვდომი, ხოლო აშშ-ის ბაზარზე 2026 წლის პირველი კვარტლისთვის ჩაეშვება. მოამზადა ლადო სულაბერიძემ