სამხრეთ კორეაში საქართველოს ელჩი დიპლომატიურ საქმიანობას წყვეტს

„ბოლო არასრულ ორ წელიწადში, ჩვენი დიპლომატიური ძალისხმევა საგრძნობლად შესუსტდა და საქართველოს იმიჯი კი მნიშვნელოვნად დაზიანდა“, - აცხადებს ის. ევროკავშირში გაწევრიანებისთვის საჭირო მოლაპარაკებების გახსნის შესახებ ირაკლი კობახიძის ცნობილი განცხადებიდან მეორე დღეს, 2024 წლის 29 ნოემბერს „ფეისბუკში“ დაწერა, რომ „ჩვენ, როგორც არასდროს, გვჭირდება მეტი ევროპა და ნატო“: „გვჭირდება მეტი სოლიდარობა და თავისუფალი სამყაროს გვერდში დგომა!“ გასული წლის 28 ნოემბერს „ქართული ოცნების“ მთავრობის პრემიერ-მინისტრმა ირაკლი კობახიძემ განაცხადა, რომ ხელისუფლება მომდევნო ოთხი წლის განმავლობაში აღარ დააყენებდა ევროკავშირში გაწევრიანებისთვის საჭირო მოლაპარაკებების გახსნის საკითხს. ამან საქართველოში ხალხმრავალი აქციები გამოიწვია. პროტესტი ამ დრომდე გრძელდება.