სამინისტრო განმარტავს, რომ ემიგრანტებს დაბრუნებისთანავე შეეძლებათ ამბულატორიული სერვისების მიღება

გუშინ, 8 იანვარს, რადიო თავისუფლებამ გამოაქვეყნა მასალა „ქართული ოცნების“ მთავრობის ჯანდაცვის მინისტრის ბრძანების შესახებ, რომელიც უცხოეთში 6 თვეზე მეტი პერიოდით მყოფ მოქალაქეებს შეეხებოდათ. დოკუმენტის მიხედვით, თუ ისინი 6 თვის განმავლობაში ქვეყნის საზღვარს არ გადმოკვეთენ, ამბულატორიულ სერვისებზე წვდომა შეეზღუდებათ. დოკუმენტი 1 იანვარს ამოქმედდა და 6 თვის შემდეგ, 1 ივნისიდან უკვე შეეხება უცხოეთში მყოფი საქართველოს მოქალაქეების ნაწილს. „2026 წლის 1 ივნისიდან ყოველთვიურად, განმახორციელებლის მიერ განხორციელდეს საყოველთაო ჯანმრთელობის დაცვის გეგმური ამბულატორიული მომსახურების ფარგლებში ბენეფიციართა რეგისტრაციის მოდულიდან იმ ბენეფიციართა რეგისტრაციის შეჩერება, რომლებიც იმყოფებიან ქვეყნის ფარგლებს გარეთ 6 თვე და მეტი ვადით უწყვეტად“, - წერია №36/ნ ბრძანებაში. ჯანდაცვის სამინისტრო განმარტავს, რომ ეს გადაწყვეტილება მიიღეს პროგრამაში „არამიზნობრივი ხარჯების თავიდან არიდებასა და ბენეფიციარების ინტერესების დაცვის“ მიზნით: „ცვლილება მხოლოდ ამბულატორიული დაწესებულების დაფინანსებას ეხება. სახელმ...