საქართველოში საარსებო მინიმუმი ერთ თვეში 4.5 ლარით შემცირდა და 250.9 ლარი შეადგინა - საქსტატი

საქართველოში საშუალო მომხმარებლის საარსებო მინიმუმი 250.9 ლარია - ამის შესახებ აღნიშნულია სტატისტიკის ეროვნული სამსახურის 2025 წლის დეკემბრის მონაცემებში. ეს მაჩვენებელი წინა წლის ანალოგიურ პერიოდთან შედარებით მხოლოდ 20.4 ლარით მეტია, 2025 წლის ნოემბერთან შედარებით კი 4.5 ლარით ნაკლები. უფრო კონკრეტულად, საქსტატის ცნობით, 2025 წლის დეკემბერში საშუალო მომხმარებლის საარსებო მინიმუმი 250.9 ლარს შეადგენდა, მაშინ, როცა ნოემბერში 255.4 ლარს, 2024 წლის დეკემბერში კი 230.5 ლარს შეადგენდა. რაც შეეხება შრომისუნარიანი ასაკის მამაკაცის საარსებო მინიმუმს, საქსტატის ცნობით, 2025 წლის დეკემბერში 283.3 ლარს შეადგენდა, ნოემბერში 288.4 ლარს, ხოლო 2024 წლის დეკემბერში 260.3 ლარი იყო. ცნობისთვის, საარსებო მინიმუმი დგინდება მინიმალური სასურსათო კალათის საფუძველზე. მინიმალური სასურსათო კალათა არის კვების პროდუქტების განსაზღვრული ნორმატიული კალათა, რომელიც შეიცავს შრომისუნარიანი ასაკის მამაკაცის ნორმალური სიცოცხლისა და შრომისუნარიანობისათვის ფიზიოლოგიურად აუცილებელ საკვების რაოდენობას, მისი შემადგენელი ელ...