საქართველოში "ჰონგ-კონგის გრიპის" მუტაციური ვარიანტი დომინირებს - პიკი წინ არის

ოფიციალური სტატისტიკით, საქართველოში ვირუსებით ინფიცირების შემთხვევების უდიდესი ნაწილი [70%] გრიპის ვირუსზე მოდის; ხოლო გრიპის ვირუსებს შორის 49%-იანი მაჩვენებლით, ამ ეტაპზე „ჰონგ-კონგის გრიპი“ - H3N2 - დომინირებს. უფრო კონკრეტულად, 2025/26 წლის სეზონზე, აშშ-სა თუ ევროპის ქვეყნებში, მათ შორის, საქართველოში, H3N2-ის მუტაციური “ქვეტიპი K” ცირკულირებს, რომელიც სწრაფი გავრცელებით და რისკ-ჯგუფებში „საკმაოდ მძიმე“ მიმდინარეობით გამოირჩევა. ე.წ. ღორის გრიპის [A/H1N1] მაჩვენებელი მხოლოდ 3%-ა. ბოლო რამდენიმე კვირაა, ლაბორატორიულად დადასტურებულ შემთხვევებს შორის არ ჩანს კორონავირუსი. ასევე, ცირკულირებს B ჯგუფის ვირუსები; სხვა სეზონური რესპირაციული ვირუსები - რინოვირუსები, პარაგრიპი, რესპირატორული სინციტიური ვირუსი. მართალია, H3N2-ის “ქვეტიპი K” გაჩნდა მას შემდეგ, რაც წლევანდელი ვაქცინების ფორმულა უკვე განსაზღვრული იყო და თავიდანვე ვარაუდობდნენ, რომ სრულად ვერ მოიცავდა “ქვეტიპ K”–ს, მაგრამ სპეციალისტები მცდარს უწოდებენ გავრცელებულ მოსაზრებას, რომ თითქოს წელს გაკეთებული გრიპის ვაქცინა ადამიანე...