საქართველოში ბევრი „ფულიანი“ ადამიანია და ძალიან ცოტა - ბიზნესმენი. ეს ბიზნესის სერიოზული გამოწვევაა - ინტერვიუ არმაზ თავაძესთან

„თუ საკუთარი თავის გუშინდელი სახე არ გეუცხოვება, ე.ი. ცხოვრებას უკვე ჩამორჩი“, - ამბობს ბიზნესმენი არმაზ თავაძე და ქართულ ბიზნესში არსებულ „ახალ ეპოქაზე“, გამოწვევებზე, თავის წარმატებულ პროექტებსა და პოლიტიკურ რეალობაზე საუბრობს. გთავაზობთ ბლიც-ინტერვიუს ბიზნესმენ არმაზ თავაძესთან. - ბატონო არმაზ, როგორ შეაფასებთ 2025 წელს? - ეს იყო ძველი წესების რღვევის წელი მთელს მსოფლიოში და ახალი ტურბულენტური ეპოქის დასაწყისი, რომელიც არავინ იცის როდემდე გაგრძელდება. ბიზნესში დასრულდა ის ეპოქა, როცა წარსულის ინერციით მოძრაობა და მართვა შეიძლებოდა. - უფრო კონკრეტულად რომ გვითხრათ, რა ცვლილებებზე საუბრობთ? - ბიზნეს სამყაროში დაინგრა პროგნოზირებადობის ილუზია. დაინგრა იდეა, რომ გამოცდილება ავტომატურად გაძლევს უსაფრთხოებას. დღეს გამოცდილება თუ მუდმივად არ განახლდა, ტვირთად გექცევა. თუ საკუთარი თავის გუშინდელი სახე არ გეუცხოვება, ე.ი. უკვე ჩამორჩი ცხოვრებას.  - გასაგებია, მაშინ რას ნიშნავს „ახალი ეპოქა“ ბიზნესში? - ეს ნიშნავს, რომ წესები აღარ იწერება სახელმძღვანელოებში. ისინი იქმნება რეალურ დროში.  ვინც...