საქართველოს საგარეო საქმეთა სამინისტრო „ყურადღებით“ ადევნებს თვალს ვენესუელაში მიმდინარე მოვლენებს

საქართველოს საგარეო საქმეთა სამინისტრომ 4 იანვარს განაცხადა, რომ ის „ყურადღებით“ ადევნებს თვალს ვენესუელაში მიმდინარე მოვლენებს, და იმედი გამოთქვა, რომ ბოლოდროინდელ მოვლენებს რუსეთის მიერ ოკუპირებული საქართველოს რეგიონების აღიარების შესახებ გადაწყვეტილების გაუქმება მოყვება. „ყურადღებით ვადევნებთ თვალს ვენესუელაში მიმდინარე მოვლენებს, იმედით, რომ შემდგომში პროცესები ვენესუელელი ხალხის ინტერესების შესაბამისად განვითარდება“, – განაცხადა საქართველოს საგარეო საქმეთა სამინისტრომ 4 იანვარს. „იმის გათვალისწინებით, რომ ვენესუელის ხელისუფლებამ საქართველოს ოკუპირებული რეგიონები, აფხაზეთი და ე.წ. სამხრეთ ოსეთი დამოუკიდებელ სახელმწიფოებად საერთაშორისო სამართლის უხეში დარღვევით აღიარა, იმედს გამოვთქვამთ, რომ ბოლოდროინდელი მოვლენები საქართველოს ეროვნული ინტერესებისა და საერთაშორისო სამართლის პრინციპების შესაბამისად ამ უკანონო გადაწყვეტილების გაუქმებას გამოიწვევს“, – დასძინა სამინისტრომ. ვენესუელამ, მადუროს წინამორბედის, უგო ჩავესის პრეზიდენტობის დროს, 2009 წელს რუსეთის მიერ ოკუპირებული აფხაზ...