საქართველოს რკინიგზაში ინვესტიციები კიდევ უფრო გაიზრდება - ვაპირებთ სალოკომოტივო და სავაგონე პარკის განახლებას - თამარ იოსელიანი

„მოდერნიზაციის პროექტი საქართველოს რკინიგზის ეფექტიანობასა და გამტარუნარიანობას მნიშვნელოვნად გაზრდის, შეამცირებს გადაზიდვების პერიოდსა და დანახარჯებს, რაც რკინიგზის მომსახურებას კიდევ უფრო მეტად ეფექტიანს გახდის,“ - განაცხადა ეკონომიკისა და მდგრადი განვითარების მინისტრის მოადგილე თამარ იოსელიანმა საქართველოს რკინიგზის მოდერნიზაციის პროექტის დასრულებასთან დაკავშირებით.რკინიგზის მოდერნიზაციის პროექტის ფარგლებში, საქართველოს რკინიგზამ უღელტეხილის მონაკვეთზე სრულიად ახალი სარკინიგზო ინფრასტრუქტურა ააშენა - გვირაბები, ხიდები, სადგურები და ქვესადგურები, ჯამში ასზე მეტი სხვადასხვა ტიპის ხელოვნური შენობა/ნაგებობა. ასევე დამონტაჟდა უსაფრთხოების და ბლოკირების ახალი სისტემები. სარკინიგზო ინფრასტრუქტურაში უპრეცედენტო მასშტაბის ინვესტიცია განხორციელდა - 1 მილიარდის ლარის ოდენობით.მინისტრის მოადგილის შეფასებით, რკინიგზის მოდერნიზება გააძლიერებს საქართველოს პოზიციებს შუა დერეფანში. „ჩვენი ქვეყნის როლი შუა დერეფანში უმნიშვნელოვანესია. შესაბამისად, მთავრობის მიერ ინფრასტრუქტურაში განხორციელებული ინვეს...