საქართველოს აქვს რესურსი, რძის პროდუქტების ექსპორტი განახორციელოს - „რძისა და რძის პროდუქტების მწარმოებელთა ასოციაცია“

დღეისთვის საქართველოში 400-450 ათასი მეწველი მსხვილფეხა საქონელია. წელიწადში ერთი სული დაახლოებით 1.5-1.7 ტონა რძეს იძლევა, რაც როგორც რძისა და რძის პროდუქტების მწარმოებელთა ასოციაციის ხელმძღვანელი კახა კონიაშვილი რადიო „კომერსანტის“ ეთერში აცხადებს, კატასტროფულად დაბალი მაჩვენებელია.კახა კონიაშვილს ისრაელის მაგალითი მოჰყავს, სადაც 125-130 ათასი მეწველი საქონელი ჰყავთ და ასეთი მაჩვენებლებით, ქვეყანა ახერხებს, დააკმაყოფილოს არა მხოლოდ საკუთარი მოთხოვნილება, არამედ რძის პროდუქტების ექსპორტი განახორციელოს.„თუ გვინდა, ქვეყანაში შევქმნათ ტენდენცია, რომ მაქსიმალურად შემცირდეს იმპორტი, რძის ფხვნილი იქნება, ნაღები და თუ რძის სხვა პროდუქტები, სექტორში რადიკალური რეფორმები გვჭირდება. თუ შევძლებთ და ერთი მეწველი საქონლისგან წელიწადში 6-7 ტონა რძეს მივიღებთ, წარმოება დაახლოებით 3-4-ჯერ გაიზრდება, რაც საშუალებას მოგვცემს, არა მხოლოდ საკუთარი თავი დავაკმაყოფილოთ, არამედ იმაზეც ვიფიქროთ, პროდუქტი ექსპორტზეც გავიტანოთ“, - განმარტავს კახა კონიაშვილი.ასოციაციის თავმჯდომარე მიიჩნევს, რომ სექტორს აუცილებლ...