საქართველო უკრაინაში გენერატორებს აგზავნის და უკრაინელებისთვის დახმარების პროგრამას ახანგრძლივებს

საქართველომ უკრაინაში ჰუმანიტარული დახმარების სახით გენერატორები გაგზავნა, მანამდე კი საქართველოში მცხოვრები უკრაინის მოქალაქეებისთვის ფინანსური დახმარების პროგრამა გაახანგრძლივა. საქართველოს ეკონომიკის სამინისტრომ 29 დეკემბერს განაცხადა, რომ სს „საქართველოს ენერგეტიკის განვითარების ფონდმა“ უკრაინაში სხვადასხვა ტიპისა და სიმძლავრის ცხრა გენერატორი გაგზავნა. აღჭურვილობა უკრაინაში ხმელეთით რამდენიმე დღეში ჩავა და კიევში საქართველოს საელჩოს გადაეცემა, შემდგომში უკრაინისთვის უსასყიდლოდ გადაცემის მიზნით. რამდენიმე დღით ადრე, 26 დეკემბერს, „ქართული ოცნების“ მთავრობამ გაახანგრძლივა დახმარების პროგრამა უკრაინის მოქალაქეებისა და უკრაინაში მუდმივი ცხოვრების უფლების მქონე პირთათვის, რომლებიც საქართველოში რუსეთის მიერ მათ ქვეყანაში სრულმასშტაბიანი შეჭრის შემდეგ შემოვიდნენ. ამ დახმარების ფარგლებში, უკრაინელი ოჯახები ყოველთვიურად 300 ლარს იღებენ, ხოლო საარსებო პირობების უზრუნველსაყოფად, პირზე 45 ლარს. „ქართული ოცნების“ პრემიერ-მინისტრმა ირაკლი კობახიძემ შესაბამის ცვლილებას 2022 წლის ივლისის და...