საახალწლო მილოცვაში ზელენსკიმ მშვიდობაზე ილაპარაკა, პუტინმა - "გამარჯვების რწმენაზე"

ზელენსკის თქმით, 2026 წელს უკრაინელებს თან მიაქვთ "თანამშრომლობის შესაძლებლობა და ადამიანურობა". "ჩვენ გვწამს მშვიდობის, მისთვის ვიბრძვით და მისთვის ვმუშაობთ" - წერს ვოლოდიმირ ზელენსკი. რამდენიმე საათით ადრე მედიასა და ტელეგრამის არხებზე გამოქვეყნდა რუსეთის პრეზიდენტის, ვლადიმირ პუტინის საახალწლო მილოცვა, რომელიც ტელევიზიითაც გადაიცა რუსეთის უკიდურეს აღმოსავლეთში მდებარე რეგიონების, ჩუკოტკისა და კამჩატკის მოსახლეობისთვის, სადაც უკვე დადგა 2026 წელი. სააგენტო "ტასმა" გამოაქვეყნა პუტინის გამოსვლის სრული ტექსტი, რომლის დიდი ნაწილიც ეძღვნება "სპეციალური სამხედრო ოპერაციის" მონაწილეებს - ანუ უკრაინაში ომის მონაწილეებს. პუტინი მათ უწოდებს გმირებს, რომლებიც იბრძვიან "სიმართლისა და სამართლისთვის". პუტინმა რუსეთის მოქალაქეებს მოუწოდა, მებრძოლებს მხარი დაუჭირონ "სიტყვით და საქმით" და განაცხადა "გამარჯვების რწმენაზე". პუტინის გამოსვლის ტექსტში საუბარი არ არის მშვიდობაზე ან ომის მშვიდობიან გადაწყვეტაზე. რუსეთის მცხოვრებთ პუტინმა უწოდა "ერთი დიდი, ძლიერი და შეკრული ოჯახი" და თქვა, რომ მათ აერთია...