საახალწლო ღონისძიებებში ბათუმის ბიუჯეტიდან ჯამში 428 ათასი ლარი გამარტივებული წესით, ტენდერის გარეშე დაიხარჯა - ჰონორარი სულ 96 მუსიკოსმა, ჯგუფმა თუ დიჯეიმ მიიღო

ბათუმში საახალწლო ღონისძიებები 7 იანვარს დასრულდა. ღონისძიებაში მონაწილე სოლო შემსრულებლების, მუსიკალური ბენდებისა და ჯგუფების, დიჯეებისა და სხვა მონაწილეთა ჰონორარებში ქალაქის ბიუჯეტიდან ჯამში 428 ათასი ლარი გამარტივებული წესით, ტენდერის გარეშე დაიხარჯება.თავდაპირველად ჰონორარის მიმღებთა სიაში სულ 96 მუსიკოსი, ჯგუფი თუ დიჯეი იყო. კონცერტებში მონაწილეებთან [ჰონორარის მიმღებ პირებთან თუ მათ მენეჯერებთან] გაფორმებულ ხელშეკრულებებს ბათუმის კულტურის ცენტრი ეტაპობრივად აქვეყნებს შესყიდვების პორტალზე.6 იანვრის მონაცემებით ცენტრის მიერ 46 ასეთი ხელშეკრულება იყო შესყიდვების პორტალზე ატვირთული. დღეის, 13 იანვრის მონაცემებით, ცენტრმა დამატებით კიდევ ათობით ხელშეკრულება გამოაქვეყნა.ნახეთ, ვის რამდენი ჰონორარი გადაუხადეს/გადაუხდიან ბათუმის ბიუჯეტიდან საახალწლო კონცერტებში მონაწილეობისთვის:შპს „ჩვენი თეატრი“ – 27 650 ლარი – გასართობი პროგრამა.კახაბერ ცისკარიძე – 25 510 ლარი – მუსიკალური პერფორმანსის (კახაბერი და ხანუმები) უზრუნველყოფა (მომღერლის მომსახურება).დავით ბარნაბიშვილი – 15 151 ლარი – ჯგუფი...