რუსულმა ელექტრომატარებელ „დიოსკურიამ“ სოჭსა და სოხუმს შორის 152 000 მგზავრი გადაიყვანა

რუსეთის ფედერალურ ტერიტორია სირიუსსა და სოხუმს შორის მოძრავმა ელექტრომატარებელ „დიოსკურიამ,“ წლის შედეგებით, 152 000-ზე მეტი მგზავრი გადაიყვანა. მონაცემებს აფხაზეთის რკინიგზის დე ფაქტო ადმინისტრაციის პრესსამსახური ავრცელებს. კერძოდ, წლის თერთმეტი თვის განმავლობაში რუსეთსა და აფხაზეთს შორის მთლიანი სარკინიგზო მომსახურებით 475 000 ადამიანმა ისარგებლა, საიდანაც „დიოსკურიამ“ 152 500 მგზავრი გადაიყვანა. ეს სტატისტიკა, ასევე, მოსკოვიდან და სანქტ-პეტერბურგიდან სოხუმში ჩასულ მატარებლებს მოიცავს. „დიოსკურია“ ყოველდღიურად განაგრძობს მოძრაობას: ის სადგურ „იმერეტინსკის კურორტიდან“ დღეში ორჯერ, თბილისის დროით, 11:35 და 21:25 საათზე გადის, ხოლო სოხუმიდან 06:40 და 17:20 საათზე ბრუნდება. მგზავრობა, დაახლოებით, სამსაათნახევარს გრძელდება. მგზავრები ე.წ. საბაჟო-სასაზღვრო კონტროლს რუსეთის ვესიოლოესა და აფხაზეთის განთიადის სადგურებზე უშუალოდ მატარებელში გადიან. „დიოსკურიამ“ სოჭიდან სოხუმში მოძრაობა 1 მაისიდან დაიწყო, ხოლო მაისის ბოლოს გავრცელდა ინფორმაცია, რომ მარშრუტი გაგრძელდება და ერთმანეთს სოჭისა და...