რუსთაველის გამზირზე საპროტესტო აქცია მიმდინარეობს

რუსთაველის გამზირზე საპროტესტო აქცია მიმდინარეობს. პარლამენტთან შეკრებილმა მონაწილეებმა მოსწავლე ახალგაზრდობის სასახლესთან გადაინაცვლეს, სადაც აქციის ერთ-ერთი ორგანიზატორი საბჭოთა საქართველოს პერიოდის ისტორიულ ფაქტებზე ესაუბრება შეკრებილებს. ორგანიზატორების განცხადებით, ლექციის დასრულების შემდეგ ისინი კვლავ საკანონმდებლო ორგანოსთან გადაინაცვლებენ. საკანონმდებლო ორგანოსთან უწყვეტი პროტესტი ერთ წელზე მეტია მიმდინარეობს. დემონსტრანტების მოთხოვნები უცვლელია - დაინიშნოს ახალი საპარლამენტო არჩევნები და გათავისუფლდნენ აქციების ფარგლებში დაკავებული პირები.