რუსეთმა სამხედრო გემები გაგზავნა ამერიკელებისგან ტანკერის დასაცავად - მედია

რუსეთმა სამხედრო გემები გაგზავნა მეგზურობის გასაწევად ტანკერისთვის, რომელიც ატლანტის ოკეანეში ცდილობს აშშ-ის ძალებისგან „გაქცევას“. ამის შესახებ ტელეკომპანია CBS News-ი და გამოცემა Wall Street Journal-ი იუწყებიან ინფორმირებულ წყაროებზე დაყრდნობით. რუსეთს ეს ინფორმაცია არ დაუდასტურებია. რუსული მხარისგან კომენტარის მიღება ვერც სააგენტო Reuters-მა შეძლო. აშშ-ის პრეზიდენტმა დონალდ ტრამპმა 2025 წლის 17 დეკემბერს გასცა ვენესუელისკენ მიმავალი და ამ ქვეყნიდან მომავალი სანქცირებული ტანკერების ბლოკადის ბრძანება. დეკემბერში აშშ-ის სანაპირო დაცვის სამსახურმა კარიბის ზღვაში სცადა სანქციების დარღვევაში ეჭვმიტანილი ტანკერის, Bella 1-ის დაკავება, თუმცა ეკიპაჟმა კურსი მკვეთრად შეცვალა, ტანკერის სახელი Marinera-დ გადაკეთდა და გემი ხელახლა დარეგისტრირდა გაიანის დროშის ნაცვლად რუსეთის დროშით მცურავ საშუალებად. რუსეთის საგარეო საქმეთა სამინისტროში განაცხადეს, რომ შეშფოთებით აკვირდებიან ტანკერის გარშემო შექმნილ სიტუაციას. ტანკერი, რომელმაც ვენესუელაში შეღწევა ვერ მოახერხა, ამჟამად ნავთობით დატვირთული არ...