რუსეთის საგარეო საქმეთა სამინისტრო კვლავ ეწინააღმდეგება სხვა ქვეყნების ჯარის უკრაინაში განლაგებას

კრემლმა კიდევ ერთხელ დაადასტურა თავისი კატეგორიული პოზიცია, რომ დასავლეთის ჯარების უკრაინაში განლაგება რუსეთისთვის მიუღებელია.„დოკუმენტი უკიდურესად შორს არის მშვიდობიანი მოგვარებისგან. ის მიზნად ისახავს არა მდგრადი მშვიდობისა და უსაფრთხოების მიღწევას, არამედ კონფლიქტის მილიტარიზაციის, ესკალაციისა და გაფართოების გაგრძელებას“, - განაცხადა რუსეთის საგარეო საქმეთა სამინისტროს პრესსპიკერმა მარია ზახაროვამ. მისი თქმით, „დასავლეთის ქვეყნების სამხედრო დანაყოფების, სამხედრო ობიექტების, საწყობების და სხვა ინფრასტრუქტურის განლაგება უკრაინის ტერიტორიაზე ფასდება, როგორც უცხოური ინტერვენცია და ეს დანაყოფები და ობიექტები „ჩაითვლება რუსეთის ფედერაციის შეიარაღებული ძალების ლეგიტიმურ საბრძოლო სამიზნეებად“. ამ დროს ე.წ. „მსურველთა კოალიციის“ ქვეყნები აპირებენ საერთაშორისო კონტინგენტის განლაგებას უკრაინაში რუსეთთან ცეცხლის შეწყვეტის შეთანხმების მიღწევის შემდეგ და არა სამხედრო ოპერაციებში მონაწილეობის მიზნით. ეს არ არის ნახსენები რუსეთის საგარეო საქმეთა სამინისტროს განცხადებაში.განცხადებაში კიდევ ერთხელ...