რუსეთის რკინიგზა გაკოტრების ზღვარზეა

რუსეთის რკინიგზა მძიმე ფინანსურ მდგომარეობაში აღმოჩნდა. Reuters-ის ცნობით, მსოფლიოში ერთ-ერთი ყველაზე გრძელი სარკინიგზო ქსელი, რომლის სიგრძეც 11 დროის სარტყელში 85 000 კილომეტრია, გაკოტრების ზღვარზეა. კერძოდ, 2025 წლის მონაცემებით რუსეთის რკინიგზის ვალმა რეკორდულ ნიშნულს, 4 ტრლნ რუბლს (50.9 მლრდ დოლარს) მიაღწია, რაც უკრაინის ომის შედეგად ეკონომიკურმა ზეწოლამ განაპირობა. ფინანსური მდგომარეობის გაუარესების გამო დირექტორთა საბჭო იძულებული გახდა, 2025 წლის ბიუჯეტი 20%-ით შეემცირებინა, მთავრობის მხარდაჭერა მოეთხოვა და თავისი ერთ-ერთი ყველაზე ღირებული აქტივის, მოსკოვის ცენტრში მდებარე 62-სართულიანი ცათამბჯენის გაყიდვის გადაწყვეტილება მიეღო. ცათამბჯენის ღირებულება, დაახლოებით, 2 მლრდ დოლარია. Reuters-ის ცნობით, კომპანია ვალის დასაფარად იძულებული გახდება, როგორც სატვირთო, ასევე, სამგზავრო მომსახურების ტარიფები გაზარდოს. მზარდი ვალის კიდევ ერთი მიზეზი, განსაკუთრებით, დასავლეთის სანქციების დაწესების შემდეგ გადაზიდვების მოცულობის შემცირებაა. ბოლო წლებში რუსული ხე-ტყის ექსპორტი 18%-ით, ლითონის...