რუსეთის მტკიცებით, მათმა სამხედროებმა აღმოსავლეთ უკრაინაში ორი სოფელი დაიკავეს

რუსეთის თავდაცვის სამინისტროს მტკიცებით, რუსმა სამხედროებმა აღმოსავლეთ უკრაინაში ორი სოფელი დაიკავეს. უწყების ცნობით, რუსეთის ძალებმა უკრაინის აღმოსავლეთ ნაწილში, დონეცკის რეგიონის სოფელი ზავიტნე და სამხრეთ-აღმოსავლეთ ნაწილში, ზაპოროჟიეს რეგიონის სოფელი ოლენოკოსტიანტინივკა აიღეს. უკრაინულ მხარეს რუსეთის მიერ გავრცელებულ ინფორმაციასთან დაკავშირებით განცხადება ამ დრომდე არ გაუვრცელებია.