რუსეთის ქალაქ ტემრიუკის პორტზე ისევ დრონებით შეტევა იყო

კრასნოდარის მხარის ოპერატიული შტაბის ტელეგრამ-არხზე 25 დეკემბერს, გამთენიისას გამოქვეყნებული ინფორმაციით, დრონებით შეტევის შედეგად ტემრიუკის პორტში ხანძარი გაუჩნდა ნავთობპროდუქტების ორ რეზერვუარს. შტაბის თანახმად, დაახლოებით 2000მ²-ზე გაჩენილი ხანძრის ჩასაქრობად მობილიზებულია 70 მეხანძრე და 18 ერთეული ტექნიკა. ტემრიუკის პორტზე დრონებით შეტევა იყო 5 დეკემბერსაც. უკრაინის შეიარაღებული ძალების გენერალურმა შტაბმა დაადასტურა, რომ პორტს უკრაინის თავდაცვის ძალებმა დაარტყეს. ქალაქი ტემრიუკი ამავე სახელწოდების რაიონის ადმინისტრაციული ცენტრი და ტამანის ნახევარკუნძულის ყველაზე მსხვილი დასახლებული პუნქტია. პორტი მდებარეობს რაიონში, სადაც მდინარე ყუბანი აზოვის ზღვას უერთდება. 2025 წლის ზაფხულში რუსეთის მედიასაშუალებები წერდნენ, რომ ტემრიუკის პორტში გაიხსნა ტერმინალი ნავთობის ექსპორტისთვის. 2025 წლის დეკემბრის დასაწყისიდან უკრაინის თავდაცვის ძალებმა იერიში მიიტანეს რუსეთის კრასნოდარის მხარეში მდებარე არაერთ სხვა ობიექტზეც. 17 დეკემბერს უკრაინის გენშტაბმა განაცხადა, რომ დრონებით დაარტყეს კრასნოდ...