როგორია საშუალო ხელფასები საქართველოსა და მეზობელ ქვეყნებში

საქართველოს მეზობელ ქვეყნებს შორის საშუალო თვიური ხელფასების (გადასახადების შემდეგ) ყველაზე მაღალი თურქეთშია. კერძოდ, Numbeo-ს განახლებული მონაცემებით, თურქეთში თვიური ხელფასი საშუალოდ 1 037 დოლარის ფარგლებშია (50-ე ადგილზე). საქართველო კი 103 ქვეყანას შორის 77-ე ადგილზე მოხვდა, აქ საშუალო ხელფასი თვეში 530 დოლარია. მეზობელ ქვეყნებს შორის საქართველოზე ნაკლები ხელფასი მხოლოდ აზერბაიჯანშია. კერძოდ, აზერბაიჯანი რეიტინგში 87-ე ადგილზე გავიდა 415 დოლარის რაოდენობის თვიური ხელფასით. ამასთანავე, ხელფასების კუთხით საქართველოზე უკეთესი მდგომარეობაა სომხეთში (70-ე ადგილი), სადაც თვიური ხელფასი გადასახადების შემდეგ 626 დოლარს შეადგენს. სომხეთზე წინ კი რეიტინგში (58-ე ადგილი) არის რუსეთი, სადაც საშუალო ხელფასი თვეში 796 დოლარს უტოლდება. 103 ქვეყანას შორის კი ყველაზე მაღალი ხელფასები შვეიცარიაშია. აქ თვიური ხელფასი დაახლოებით 7 414 დოლარს შეადგენს. უფრო კონკრეტულად, 5 ქვეყანა, სადაც ყველაზე მაღალი ხელფასებია, ასე გამოყურება: ამასთანავე, Numbeo-ს მონაცემებით, შესწავლილი ქვეყნებიდან ყველაზე დაბალი ხელფასი კუბაშია, სადაც თვიური საშუალო ანაზღაურება 34.7 დოლარს უტოლდება. კერძოდ, 5 ქვეყანა, სადაც ყველაზე დაბალი თვიური საშუალო ხელფასებია, ასეთია: