რევაზ სოხაძე: გამკაცრდა მიდგომები ხარისხისა და ვადების მიმართ, თუმცა გათვალისწინებულია სამშენებლო კომპანიების მოსაზრებები

ინფრასტრუქტურის მინისტრმა რევაზ სოხაძემ დილის გადაცემის საავტორო რუბრიკაში - „ბიზნეს ინსაიდერი საქართველო“ სამშენებლო სექტორში არსებულ ვითარებაზე, ხარისხისა და ვადების კონტროლის გამკაცრებასა და ე.წ. „თეთრი სიის“ განახლების პროცესზე ისაუბრა. მინისტრის თქმით, „თეთრი სიის“ მექანიზმის გაუმჯობესებაზე არაერთი კონსულტაცია გაიმართა სექტორის წარმომადგენლებთან, რის შედეგადაც მიღწეულია შეთანხმება ახალ წესებსა და მიდგომებზე. მისი განმარტებით, „თეთრი სიის“ სისტემა თავდაპირველად ბიზნესის წასახალისებლად შეიქმნა, თუმცა დროთა განმავლობაში გადაიქცა მექანიზმად, რომელიც ცალკეულ კომპანიებს არასამართლიან უპირატესობას ანიჭებდა. დაფიქსირდა შემთხვევები, როდესაც კომპანიებმა მიიღეს საავანსო თანხები და ისინი სხვა მიზნებისთვის გამოიყენეს. მისივე თქმით, სწორედ ამ რისკების გამო გახდა აუცილებელი სისტემის გარდაქმნა. „კომპანიებს ავანსს ვაძლევდით, ხოლო უზრუნველყოფის სახით მხოლოდ ნახევარს ვთხოვდით, რაც სახელმწიფოსთვის დიდ რისკს წარმოადგენდა. სამშენებლო კომპანიებთან აქტიური კომუნიკაციის შედეგად შევჯერდით ახალ ნორმებზე...