რატომ ვერ უწევს ქართული ღვინო საფასო კონკურენციას ევროპულს ნორვეგიაში - ბარ „ღვინოს“ დამფუძნებლის შეფასება(bm.ge)

ნორვეგიაში მდებარე ქართული ღვინის ბარის "ღვინო" დამფუძნებლის, ნათია ყურუას განცხადებით, ქართული ღვინო ნორვეგიულ ბაზარზე იაფფასიან კატეგორიას არ მიეკუთვნება და ფასით კონკურენციას ვერ უწევს ისეთი ქვეყნების პროდუქციას, როგორიცაა იტალია, გერმანია, პორტუგალია და ესპანეთი. ამის შესახებ მან BMGTV-ს გადაცემაში ისაუბრა.მისი თქმით, საქართველოსთვის მთავარი გამოწვევა სწორედ ფასის კომპონენტია, რის გამოც სტრატეგიული აქცენტი უნდა გაკეთდეს მაღალ ხარისხზე და მკაფიო ნიშაზე."ქართული ღვინო იაფფასიან სეგმენტში ვერ განიხილება. სამწუხაროდ, ისეთი ქვეყნები, როგორებიც არიან იტალია, გერმანია, პორტუგალია და ესპანეთი, ნორვეგიულ ბაზარზე იმ ფასებს სთავაზობენ მომხმარებელს, რომლებთანაც კონკურენცია პრაქტიკულად შეუძლებელია. შესაბამისად, ფასით დაპირისპირება ჩვენი ძლიერი მხარე ვერ იქნება.ქართული ღვინის მთავარი უპირატესობა ხარისხსა და იმ უნიკალურ ნიშაშია, რომელიც მას გააჩნია - ისტორიაში, ემოციაში და კულტურულ მემკვიდრეობაში, რომელსაც ჩვენ რეალურად ვყიდით. სწორედ ამიტომ აუცილებელია და მნიშვნელოვანია, მუდმივად გვქონდეს მაღალი...