რატომ აწუხებს ისრაელს ირანის ბირთვულ პროგრამაზე მეტად მისი რაკეტები - ნეთანიაჰუ-ტრამპის შეხვედრის წინ

ნეთანიაჰუს და ტრამპის შეხვედრის წინ ისრაელმა ირანის ბირთვული პროგრამიდან ყურადღება გადაიტანა მის რაკეტებზე. ირანის მედია ამას ახალი ომის საბაბად მიიჩნევს, ხოლო ანალიტიკოსები თვლიან, რომ ეს ნაბიჯი დასუსტებული თეირანისგან ახალი დათმობების მოპოვების მცდელობას უნდა ნიშნავდეს. ისრაელის პრემიერ-მინისტრი ბენიამინ ნეთანიაჰუ 29 დეკემბერს ფლორიდაში აშშ-ის პრეზიდენტ დონალდ ტრამპთან შესახვედრად ემზადება - დღის წესრიგში მთავარი თემა ირანია - ერთი ახალი დეტალით. ისრაელმა მთელი ყურადღება გადაიტანა ირანის ბალისტიკური რაკეტების პროგრამაზე, რომელსაც ის ყველაზე დიდ საფრთხედ მიიჩნევს მას შემდეგ, რაც ისრაელისა და აშშ-ის ერთობლივმა საჰაერო დარტყმებმა წელს, ივნისში, 12-დღიანი საჰაერო კამპანიის დროს, ირანის ბირთვული ინფრასტრუქტურა მნიშვნელოვნად დააზიანა. ისრაელის პოზიციის ეს ცვლილება ავლენს აშშ-ისრაელს შორის მზარდ აზრთა სხვადასხვაობას. ტრამპმა არაერთხელ თქვა, რომ ირანისგან ბირთვული საფრთხე „გამქრალია". ასე ფიქრობს ის ისპაანში, ფორდოუსა და ნათანზში მდებარე ობიექტების დაბომბვის შემდეგ. ისრაელი კი მიიჩნევს,...