რას კარგავს რუსეთი მადუროს დამხობით - Reuters-ის გამოთვლა

ვენესუელას მიერ რუსეთისგან მიღებული მილიარდობით დოლარის ინვესტიციებისა და სესხის ბედი გაურკვეველი დატოვა ნიკოლას მადუროს დამხობამ, რომელიც აშშ-ის სპეცრაზმმა შეიპყრო და ნარკოტერორიზმის ბრალდებით ნიუ-იორკში სასამართლოს წინაშე უნდა წარსდგეს. Reuters-მა გამოთვალა, რომ 2006-იდან 2017 წლამდე კრემლმა ვენესუელას მთავრობას და ქვეყნის სახელმწიფო ნავთობკომპანია PDVSA-ს მთლიანობაში 17 მლრდ დოლარი გამოუყო. პირველი სესხი, 2.2 მლრდ დოლარი მადუროს წინამორბედს, უგო ჩავესს გადაეცა, რომელმაც 2009 წელს რუსული იარაღის, T-72 ტანკებისა და S-300 საზენიტო სისტემების შესყიდვის კონტრაქტი გააფორმა. ვენესუელას მოსკოვისთვის რვა წლის შემდეგ 3.5 მლრდ დოლარი უნდა გადაეხადა, რომლის დაფარვაც ეკონომიკური კრიზისისა და სანქციების გამო ვერ შეძლო. 2017 წელს პუტინი და მადურო შეთანხმდნენ, რომ ამ სესხის გადახდა 10 წლით გადაევადათ, ხოლო ძირითადი თანხა 2024-2027 წლებში დაფარულიყო. 2010-იანი წლების ბოლოს „როსნეფტი“ მადუროს მთავარი კრედიტორი გახდა, სანაცვლოდ კი ვენესუელის ნავთობის მსხვილ პროექტებში წილებს იღებდა. Reuters -ის წყა...