რას ამბობენ არასრულწლოვნები ჩვენებებში - ყველაფერი მოკლული მასწავლებლის საქმეზე

რომ არა 2025 წლის პირველი ოქტომბრის ღამეს მომხდარი, 28 წლის მასწავლებელი გიგა ავალიანი დედასთან ერთად მათემატიკის გაკვეთილს უნდა ატარებდეს... ამის ნაცვლად, კი მისი დედა ეკა კუპატაძე შვილის მკვლელობაში დამნაშავეების დასჯასა და სამართლიანობის აღდგენას ქუჩაში ითხოვს. ბრალდებულები არასრულწლოვნები არიან. პირველ ოქტომბერს, ღამით, 22:20 საათზე თბილისში, თემქის დასახლებაში, სასწავლო ცენტრიდან გამოსულ ახალგაზრდა მასწავლებელს ორი არასრულწლოვანი აედევნა. ისინი გიგა ავალიანს სახლამდე გაჰყვნენ, სადარბაზოში შესვლამდე თავს დაესხნენ, ერთ-ერთი ამ სცენას ტელეფონით იღებდა. პროკურატურის ვერსიით, შუბლში მუშტის ერთი ჩარტყმა საკმარისი აღმოჩნდა, გიგა ავალიანი დაეცა და გონება დაკარგა. თავდამსხმელები მიიმალნენ. ნაცემი გიგა ავალიანი ღამის 11 საათისთვის მეზობელმა ბავშვებმა უგონოდ იპოვეს და სასწრაფო გამოიძახეს. მან 23 დღე იცოცხლა და 24 ოქტომბერს გონზე მოუსვლელად გარდაიცვალა. სამხარაულის ექსპერტიზის ბიურომ დასკვნაში დაწერა: სიკვდილის მიზეზი გახდა „ქალა-ტვინის დახურული ბლაგვი ტრავმა, მარჯვნივ შუბლის ძვლის სრული...