რა ვიცით კომპანიებსა და პირებზე, რომლებიც გრიგოლ ლილუაშვილის საქმეში ფიგურირებენ

სახელმწიფო უსაფრთხოების სამსახური ყოფილი უფროსი, გრიგოლ ლილუაშვილი დიდი ოდენობით ქრთამის აღების ბრალდებით დააკავეს. ლილუაშვილს ბრალდება უკვე წარედგინა. პროკურატურის ინფორმაციით, მის წინააღმდეგ საქმე ოთხ ეპიზოდზე მიმდინარეობს. მას 11-დან 15 წლამდე პატიმრობა ემუქრება. როგორც ლილუაშვილის უფლებადამცველი აცხადებს, სუს-ის ყოფილი უფროსი თავს დამნაშავედ არ ცნობს. ადვოკატ რობერტ გრიგალაშვილის განცხადებით, ლილუაშვილი მიიჩნევს, რომ „მის წინააღმდეგ არ შეიძლება იყოს პირდაპირი მტკიცებულებები ბრალდებაში ასახულ გარემოებებზე“. „ბიზნესპრესნიუსი“ დაინტერესდა იმ პირებითა და კომპანიებით, რომლებიც სუს-ის ყოფილი უფროსის საქმეში ფიგურირებენ. პროკურატურის ინფორმაციით, გამოძიების პირველი ეპიზოდი დაკავშირებულია თურქ ინვესტორ ჩაღათაი ულქერთან. კერძოდ, გამოძიების ცნობით, 2022 წლის ოქტომბერში ლილუაშვილმა ეკონომიკისა და მდგრადი განვითარების მინისტრის იმჟამინდელი პირველი მოადგილის, რომეო მიქაუტაძის მეშვეობით ულქერისგან ქრთამის სახით 1 მილიონი დოლარი აიღო იმისთვის, რომ ლობირება გაეწიათ ქარის ელექტროსადგურების მშენე...