რა ვიცით ბიზნესმენზე, რომელსაც პროკურატურა დიდი ოდენობით თანხის მართლსაწინააღმდეგო მითვისებას ედავება

სამსახურებრივი მდგომარეობის გამოყენებით, დიდი ოდენობით თანხის მართლსაწინააღმდეგო მითვისებისა და უკანონო შემოსავლის ლეგალიზაციის ფაქტებზე, პროკურატურამ ერთი პირი დააკავა. კერძოდ, საუბარია, შპს „ისანი კომფორტის“ 49.99%-იანი წილის მფლობელზე. უწყების განცხადებაში პირის ვინაობა არ არის დასახელებული, თუმცა, საჯარო რეესტრის ამონაწერის თანახმად, სამშენებლო კომპანიის 49.99%-იან წილს გიორგი გუჯაბიძე ფლობს. პროკურატურის განცხადებით, „ისანი კომფორტს“ თბილისში, მოსკოვის გამზირზე მრავალფუნქციური საცხოვრებელი კომპლექსი უნდა აეშენებინა. თუმცა, ბრალდებულმა 73 მოქალაქის მიერ კომპანიისთვის გადახდილი 3 596 254 ლარი, პირადი მიზნებისთვის, პირად და მის მიერ დაფუძნებული კომპანიების საბანკო ანგარიშებზე გადარიცხა. „დანაშაულებრივი გზით მიღებული თანხისთვის კანონიერი სახის მიცემის მიზნით, ბრალდებულმა მის მიერ დაფუძნებული კომპანიების სახელით, 160 000 აშშ დოლარად და 23 290 ლარად ღირებული უძრავი ქონებები და 83 560 ლარის სასაქონლო მატერიალური ფასეულობები შეიძინა. გარდა ამისა, ბრალდებულმა მოქალაქეთა კუთვნილი დიდი ო...