რა შეემთხვა ადამ კადიროვს? - ფაქტები, ვერსიები

ავტოსაგზაო შემთხვევის გამო, რომლის დროსაც ჩეჩნეთის ლიდერის მესამე ვაჟი, ადამ კადიროვი დაშავდა, საგზაო პოლიციის თანამშრომელს ადანაშაულებენ. Telegram-არხ ВЧК-ОГПУ-სა და გამოცემა Rucriminal-ის ცნობით, პოლიციელმა კადიროვის ესკორტის მოძრაობისას ვერ უზრუნველყო მოძრაობის სრულად ჩაკეტვა. 16 იანვრის საღამოს, ჩეჩნეთის ოპოზიციურმა Telegram არხმა Niyso-მ და რადიო თავისუფლების ჩრდილოკავკასიური რედაქციის საიტმა Kavkaz.Realii-მ, თავიანთ წყაროებზე დაყრდნობით გაავრცელეს ინფორმაცია, რომ რამზან კადიროვის ვაჟი, ადამი და მისი თანმხლები პირები, გროზნოში ავტოსაგზაო შემთხვევის შედეგად დაშავდნენ. Kavikaz.Realii-ს წყაროს ცნობით, მწვანე Mercedes-Benz G-Class, რომელსაც ჩეჩნეთის ლიდერის 18 წლის ვაჟი მართავდა, მაღალი სიჩქარით შეეჯახა სხვა ავტომობილს, რის შემდეგაც ერთმანეთს მიყოლებით შეასკდნენ ესკორტში მყოფი ასევე მაღალი სიჩქარით მოძრავი ავტომობილები. ავარიის შედეგად დაშავებულთა ზუსტი რაოდენობა უცნობია. სავარაუდოდ, დაიღუპა ერთი ადამიანი, ოთხი კი (მათ შორის ადამ კადიროვი) მძიმედ დაშავდა. „დაახლოებით 20 ადამიანი ა...