რა ღირს მიწის ნაკვეთები თბილისსა და მის შემოგარენში

წლებია, დედაქალაქში მიწის ნაკვეთებზე მოთხოვნის მზარდი ტენდენცია ნარჩუნდება. უძრავი ქონების ბაზარზე ნაკვეთების სეგმენტში არსებულ დეფიციტზე უკვე საუბრობენ. განსაკუთრებულად მიწოდების ნაკლებობა ქალაქის ცენტრალურ ნაწილში შეინიშნება, მოთხოვნა კი კიდევ უფრო მეტად გააქტიურდა დედაქალაქის შემოგარენში. ინვესტიცია მიწაში მიმზიდველი შესაძლებლობაა, თუმცა, მოთხოვნის ზრდასთან ერთად, ბუნებრივია, იზრდება ფასებიც. თბილისში მიწა ყოველწლიურად, დაახლოებით, 15-25%-ით ძვირდება. ფასის მდგენელზე გავლენას ახდენს სხვადასხვა კომპონენტი, მათ შორის, განსაკუთრებით მნიშვნელოვანია რამდენიმე კრიტერიუმი. საკითხთან დაკავშირებით „ბიზნესპრესნიუსი“ Brokeri.ge-ს დამფუძნებელს, ილია ინაშვილს ესაუბრა. მისი თქმით, ღირებულებას, პირველ რიგში, ნაკვეთის ადგილმდებარეობა განსაზღვრავს. ამასთანავე, მნიშვნელოვანია მშენებლობის ნებართვის არსებობა, ნაკვეთთან მიმავალი კომუნიკაციები და შესაბამისი გეოლოგიური დასკვნები. Brokeri.ge-ს მონაცემების თანახმად, თუ თბილისსა და მის შემოგარენში მოთხოვნად ტერიტორიებზე მიწის ნაკვეთების ფასებს შევადარებთ,...