რა ეკონომიკური ურთიერთობები აქვს საქართველოს ვენესუელასთან

ვენესუელაში მიმდინარე პროცესები მსოფლიოს ყურადღების ცენტრში მოექცა. 2025 წლის 17 დეკემბერს, აშშ-ის პრეზიდენტმა დონალდ ტრამპმა ვენესუელაში შემავალი და გამავალი ყველა სანქცირებული ნავთობტანკერის სრული ბლოკადა, ვენესუელის ლიდერის, ნიკოლას მადუროს მთავრობა კი უცხოურ ტერორისტულ ორგანიზაციად გამოაცხადა. აღნიშნულს წინ უძღოდა ის ბრალდებები, რომელიც თითქმის 12-წლიან მმართველობაში მყოფი მადუროსა და მისი მთავრობის მისამართით ისმოდა. მათ არაერთხელ დასდეს ბრალი ფართოდ გავრცელებულ კორუფციაში, საუბარი იყო, რომ მაღალი თანამდებობის პირები ნავთობიდან მიღებული შემოსავლის მილიარდობით დოლარს, კრიმინალური ქსელების მეშვეობით ითვისებდნენ. ამის გამო, მადუროს ადმინისტრაციას მკაცრი სანქციებიც დაუწესეს. 2020 წელს კი აშშ-მ მადუროს კორუფციასა და სხვა დანაშაულებში ბრალი წაუყენა. 2026 წლის 3 იანვარს, ჯერ კიდევ ხელისუფლებაში მყოფმა ნიკოლას მადურომ განაცხადა, რომ აშშ-ის „სამხედრო აგრესიის“ გამო, ვენესუელა საგანგებო რეჟიმზე გადადიოდა. ამავე დღეს ცნობილი გახდა, რომ მადურო და მისი მეუღლე ჩატარებული ამერიკული სამხედრო ოპ...