ყველაზე მაღალი ისლანდიაში, ყველაზე დაბალი თურქეთში - როგორია პენსიები ევროპის ქვეყნებში

ევროპაში პენსია ხანდაზმული ადამიანების ძირითადი შემოსავლის წყაროა. „ევრონიუსის“ ინფორმაციით, ევროკავშირის 28 ქვეყანაში 65 წელს გადაცილებული ადამიანები მთლიანი მოსახლეობის საშუალო შემოსავლის მხოლოდ 86%-ს იღებენ. ეკონომიკური თანამშრომლობისა და განვითარების ორგანიზაციის (OECD) მონაცემების მიხედვით, ბალტიისპირა ქვეყნებში ხანდაზმული მოქალაქეები მთლიანი მოსახლეობის შემოსავლების 70%-ზე ნაკლებს იღებენ, ხოლო ისეთ ქვეყნებში როგორიც არის ბელგია, დანია და შვეიცარია, ეს შემოსავლები 80%-ს აჭარბებს. 2023 წლის მდგომარეობით, რაც ამჟამად უახლესი ხელმისაწვდომი მონაცემებია, ევროკავშირში ხანდაზმულთა საშუალო თვიური პენსია 1 443 ევროს ფარგლებშია. აღსანიშნავია, რომ ქვეყნების მიხედვით, ეს მონაცემები განსხვავებულია. უფრო კონკრეტულად, "ევრონიუსის" მონაცემებზე დაყრდნობით გთავაზობთ, როგორია 65 წელს გადაცილებულ მოქალაქეთა თვიური პენსია ევროპის ქვეყნებში: