ყულევის ტერმინალში მყოფი ტანკერი (NOSTOS), მისი მფლობელი ან ოპერატორი არცერთ მოქმედ სანქციათა სიაში არ იდენტიფიცირდება - საზღვაო ტრანსპორტის სააგენტო

საზღვაო ტრანსპორტის სააგენტოში აცხადებენ, რომ ყულევის ტერმინალში მყოფი ტანკერი (NOSTOS), მისი მფლობელი ან ოპერატორი არცერთ მოქმედ სანქციათა სიაში არ იდენტიფიცირდება.სააგენტოს ცნობით, ტანკერის რეგისტრირებული მფლობელი და კომერციული ოპერატორი წარმოადგენენ საერთაშორისო რეესტრებში რეგისტრირებულ იურიდიულ პირებს.„გვსურს გმოვეხმაუროთ მედიასაშუალებებში გავრცელებულ ინფორმაციას, რომელიც ყულევის ტერმინალში მდგომ ტანკერს NOSTOS-ს სრულად უსაფუძვლოდ აკავშირებს საერთაშორისო სანქციების შესაძლო გვერდის ავლასთან.საქართველოს საზღვაო ტრანსპორტის სააგენტო ხაზგასმით აღნიშნავს, რომ აღნიშნული გემის რეგისტრირებული მფლობელი და კომერციული ოპერატორი წარმოადგენენ საერთაშორისო რეესტრებში რეგისტრირებულ იურიდიულ პირებს (საბერძნეთი), გემი დაფარულია საერთაშორისო სადაზღვევო მექანიზმებით, მათ შორის ბერმუდის, ნორვეგიული ფილიალის P&I დაზღვევით, გააჩნია მოქმედი Hull & Machinery დაზღვევა (ბერძნული) და იმყოფება ავტორიტეტული ფრანგული საკლასიფიკაციო საზოგადოების Bureau Veritas ტექნიკური ზედამხედველობის ქვეშ. 2025 წლის განმავლობა...