ყოველდღე ახალი საპროტესტო პლაკატი: გურამ ქუხილავას 2025 წელი რუსთაველზე

“სოლიდარობას ვუცხადებ ახალგაზრდებს” - ეს იყო სულ პირველი ბანერი, რომელიც, 2024 წლის ნოემბრის ბოლოს, პროევროპული აქციების მონაწილე გურამ ქუხილავამ თავად დაამზადა და აქციაზე წაიღო. მას შემდეგ “ბაბუ ბანერით” აქციების განუყოფელი ნაწილი გახდა. მალე 400 დღე გახდება, რაც პროტესტი რუსთაველზე უწყვეტად გრძელდება - ამ ხნის განმავლობაში, გურამს, ალბათ, 150-მდე საპროტესტო ბანერი მაინც ექნება დაწერილი. შინაარსზე აქციის წინა დღეს ფიქრობს - გააჩნია რა მოხდება, რა გააბრაზებს, რას ჩათვლის უსამართლობად. დილით ბოლო შტრიხებს უმატებს, აფორმებს და საღამოს რუსთაველზე მიაქვს. “ზოგიერთი საპროტესტო წარწერა ლამის წინასწარმეტყველებად იქცა: ვწერდი, გზაზე დგომასაც აგვიკრძალავენ და ენებს ამოგვაგლეჯენ-მეთქი და, მალე ტროტუარზე დგომისთვის გოგოები და ბიჭი ციხეში ჩასვეს”. ხანდახან ბანერებს იუმორითაც წერდა, რომ პროტესტის მონაწილეები გაეხალისებინა, გაემხნევებინა. "აქ მოსვლა და დგომა პროტესტის ნიშნად, ჩემი ცხოვრების წესად იქცა - ეს პლაკატებიც ჩემი პროტესტის ფორმაა, სხვანაირად როგორ გამოვხატო, რა შემიძლია?" ისიც უკითხავ...