ყინვა და რუსული რაკეტები -  როგორ ცხოვრობს კიევი მძიმე ენერგეტიკული კრიზისის პირობებში

კიევი და კიევის ოლქი ჯერაც ვერ გამოსულად მძიმე ენერგეტიკული კრიზისიდან, რომელიც 9 იანვრის ღამეს რუსეთის მასშტაბური საჰაერო თავდასხმის შედეგად შეიქმნა. რუსეთის არმიამ იერიში მიიტანა კრიტიკულ ინფრასტრუქტურაზე, რის შედეგადაც უკრაინის დედაქალაქისა და ოლქის მინიმუმ 500 ათას მცხოვრებელს, გათბობა და ელექტროენერგია გათიშა. აღდგენითი სამუშაოები 24 საათიან რეჟიმში მიმდინარეობს, თუმცა ვითარებას ართულებს ძლიერი ყინვა (-16, -14), გაყინული ელექტროგადამცემი ქსლები და სადენები, ხეების წაქცევის გამო დაზიანებული ელექტროგადამცემი ხაზები და მოყინული გზები. განსაკუთრებით მძიმე მდგომარეობაა შექმნილი კიევის მარცხენა სანაპიროსა და კიევის მიმდებარე რაიონებში, სადაც 9 იანვრის შემდეგ ელექტროენერგიის მიწოდება მკაცრად შეზღუდული გრაფიკით (დღე-ღამეში მხოლოდ 4 სთ) ხდება. 9 იანვრის ღამეს რუსეთის შეიარაღებულმა ძალებმა უკრაინის მიმართულებით 242 დრონი და 36 რაკეტა გაუშვეს, მათ შორის ერთი საშუალო რადიუსის ბალისტიკური რაკეტა და 13 „ისკანდერ-M“ და „С-400“ ტიპის ბალისტიკური რაკეტა. რუსეთის მიერ უკრაინის ენერგეტიკულ ობიექტ...