ყაველაშვილმა 159 პატიმარი შეიწყალა „ჰუმანიზმისა და სახელმწიფო ინტერესების პრინციპით“ - სხვა დეტალები ჯერ უცნობია

ადმინისტრაციის გავრცელებული ინფორმაციის თანახმად, ყაველაშვილის მიერ მისთვის „კონსტიტუციით მინიჭებული ექსკლუზიური უფლებამოსილების გამოყენება ეფუძნება ჰუმანიზმის პრინციპს და სახელმწიფო ინტერესს“. ჯერ უცნობია, თუ ვინ არის შეწყალებულთა სიაში - უცნობია ისიც, არის თუ არა სიაში რომელიმე იმ დემონსტრანტებისგან, რომლებიც 2024 წლის შემდეგ მიმდინარე დემონსტრაციებისას დააკავეს და პატიმრობა მიუსაჯეს. ეს სია, - რომელიც ათონელის რეზიდენციიდან პენიტენციურ სამსახურს ეგზავნება - როგორც წესი, არ ქვეყნდება. ისიც უცნობია, ყაველაშვილის გადაწყვეტილება დღესვე აღსრულდება თუ არა, - რაც კანონით დადგენილი აუცილებლობა არ არის. არ არსებობს არც ოჯახის წევრების წინასწარი ინფორმირების ვალდებულება. პენიტენციურ დაწესებულებებთან დილიდან იმყოფებიან ჟურნალისტები, მათ შორის რადიო თავისუფლების რეპორტიორები. რუსთავისა და გლდანის ციხეებთან საპროტესტო დემონსტრაციებთან დაკავშირებით დაპატიმრებულთა ოჯახის წევრები და მხარდამჭერები დაახლოებით დილის ცხრა საათიდან ელოდებიან შეწყალების აქტს, თუმცა, როგორც ამბობენ, თითქმის ნულოვანი...