პუტინი კრიპტომაინინგისთვის აშშ-სთან ერთად ზაპოროჟიეს ატომური ელექტროსადგურის ერთობლივ მართვაზე თანახმაა

რუსეთი და აშშ, უკრაინაში ომის დასრულების მოლაპარაკებების ფარგლებში, ზაპოროჟიეს ატომური ელექტროსადგურის ერთობლივ მართვას კიევის მონაწილეობის გარეშე განიხილავენ. ამის შესახებ პუტინმა მსხვილი ბიზნესის წარმომადგენლებთან შეხვედრაზე განაცხადა, რასაც რუსული „კომერსანტი“ ავრცელებს. პუტინის თმქით, ამერიკული მხარე ზაპოროჟიეს ატომურ ელექტროსადგურში კრიპტომაინინგის მოწყობით არის დაინტერესებული, თუმცა უკრაინისთვის ელექტროენერგიის მიწოდებასაც მოითხოვს. ზაპოროჟიეს ატომური ელექტროსადგური ევროპაში უდიდესია, რომელიც ომამდე უკრაინის ელექტროენერგიის, დაახლოებით, 20%-ს გამოიმუშავებდა. ის დნეპრის მარცხენა სანაპიროზე მდებარეობს. რუსულმა ჯარმა ელექტროსადგური 2022 წლის მარტში, უკრაინაში სრულმასშტაბიანი შეჭრის დასაწყისშივე დაიკავა. იმავე წლის სექტემბერში ყველა ენერგობლოკი ცივი რეჟიმით გაითიშა. პუტინმა ობიექტი სახელმწიფო კორპორაცია „როსატომის“ შვილობილ კომპანია „როზენერგოატომს“ გადასცა სამართავად. მაშინ ის აცხადებდა, რომ უკრაინელი სპეციალისტები ელექტროსადგურში მუშაობას განაგრძობდნენ, თუმცა მათ რუსული პასპორტებ...