ფრიდრიხ მერცი - თუ ტარიფების წინაშე აღმოვჩნდებით, რასაც არაგონივრულად მივიჩნევთ, მაშინ საპასუხო რეაქცია გვექნება

ესკალაციის თავიდან აცილება გვსურს და დავოსში ტრამპთან შეხვედრას შევეცდები, - ამის შესახებ გერმანიის კანცლერმა, ფრიდრიხ მერცმა პრესკონფერენციაზე განაცხადა. გერმანიის კანცლერის, ფრიდრიხ მერცის განცხადებით, აშშ-ის პრეზიდენტმა, დონალდ ტრამპმა „გრენლანდიაზე მეტი გავლენა მოითხოვა და ამის მიზეზად ჩრდილოეთის რეგიონში უსაფრთხოება დაასახელა“. „სამყარო ცვლილებების მდგომარეობაშია და ჩვენ ადაპტაცია უნდა მოვახდინოთ. ვიზიარებთ აშშ-ის შეფასებას და ნატო-ს პარტნიორმა ქვეყნებმა რეგიონის უსაფრთხოებისთვის უფრო მეტი უნდა გააკეთონ“, - განაცხადა მერცმა. მერცის თქმით, გრენლანდიასა და დანიას შეუძლიათ, რომ „გერმანიის სოლიდარობის იმედი“ ჰქონდეთ. „მზად ვართ, აშშ-სთან მოლაპარაკებებს მხარი დავუჭიროთ. ამ მოლაპარაკებების საფუძველი კი ყოველთვის სუვერენიტეტისა და ტერიტორიული მთლიანობის პრინციპები უნდა იყოს“, - აღნიშნა მერცმა. ასევე, მერცის განცხადებით, აშშ-ის მხრიდან დამატებითი ტარიფების დაწესება „ტრანსატლანტიკურ ურთიერთობებს დაასუსტებს და ორივე მხარის ეკონომიკას ზიანს მიაყენებს“. „თუ ტარიფების წინაშე აღმოვჩნდებით...