პრეზიდენტმა ტრამპმა ვენესუელის საზღვაო ბლოკადის ბრძანება გასცა

ტრამპმა გადაწყვეტილების შესახებ 17 დეკემბერს დაწერა თავის სოციალურ ქსელ Truth-ში. შეერთებული შტატების პრეზიდენტის თანახმად, ვენესუელა სამხრეთ ამერიკის ისტორიაში „ყველაზე დიდი არმადის“ სრულ ალყაშია. ტრამპი ვენესუელას დაემუქრა ზომების გაძლიერებითა და „დღემდე არნახული შოკით“, თუ აშშ-ს არ დაუბრუნებს ადრე მოპარულ ნავთობს, მიწებს და სხვა აქტივებს. ვენესუელის დღევანდელი მმართველის, ნიკოლას მადუროს წინამორბედმა უგო ჩავესმა ნავთობის საბადოების ნაციონალიზაცია განახორციელა და თავისი განკარგულებით აშშ-ისა და დასავლეთის სხვა სახელმწიფოების კომპანიები აიძულა საკონტროლო პაკეტები გადაეცათ ვენესუელის სახელმწიფო ნავთობკომპანიისთვის PDVSA. პრეზიდენტ ტრამპის განცხადებით, „მადუროს უკანონო რეჟიმი მოპარულ ნავთობს იყენებს საკუთარი თავის, ნარკოტერორიზმის, ადამიანებით ვაჭრობის, მკვლელობებისა და ადამიანების გატაცების დასაფინანსებლად“, რის გამოც „ვენესუელის რეჟიმი უცხოურ ტერორისტულ ორგანიზაციად“ გამოაცხადეს. ვენესუელის მთავრობამ აშშ-ის პრეზიდენტი დაადანაშაულა საერთაშორისო სამართლისა და თავისუფალი ვაჭრობისა და...