პორტუგალიაში საპრეზიდენტო არჩევნების მეორე ტური ჩატარდება

პორტუგალიის საპრეზიდენტო არჩევნების პირველ ტურში ამომრჩევლების ხმების 50%-ზე მეტი ვერცერთმა საპრეზიდენტო კანდიდატმა ვერ მიიღო, რაც იმას ნიშნავს, რომ ქვეყანაში საპრეზიდენტო არჩევნების მეორე ტური ჩატარდება.ქვეყნის ცენტრალურმა საარჩევნო კომისიამ ბიულეტენების 99%-ის დათვლის შემდეგ, განაცხადა, რომ სოციალისტური პარტიის კანდიდატმა ანტონიო ხოსე სეგურომ პირველ ტურში ხმების 31.1%-ი მიიღო, მემარჯვენე პოპულისტური პარტიის, Chega-ს ლიდერმა ანდრე ვენტურამ კი - ხმების 23.5%-ი.საპრეზიდენტო არჩევნების მეორე ტური 8 თებერვალს გაიმართება. მედიის ინფორმაციით, ეს პირველი შემთხვევაა პორტუგალიის ისტორიაში 1986 წლის შემდეგ, როცა მეორე ტური გახდა საჭირო.დასავლური მედია წერს, რომ პორტუგალიის მომავალ პრეზიდენტს ქვეყნის მართვა პოლიტიკური არასტაბილურობის ფონზე მოუწევს: ბოლო სამი წლის განმავლობაში ქვეყანაში სამი საპარლამენტო არჩევნები ჩატარდა. პორტუგალიაში პრეზიდენტის თანამდებობა, ძირითადად, ცერემონიალური ხასიათისაა, თუმცა მას რამდენიმე მნიშვნელოვანი უფლებამოსილებაც აქვს, მათ შორის, ზოგიერთ შემთხვევაში, პარლამენტის დ...