ფილიპინებში, ნაგავსაყრელზე მეწყერს, სულ მცირე, 11 ადამიანის სიცოცხლე ემსხვერპლა

ფილიპინებში, ბინალივის ნაგავსაყრელზე გამოწვეულ მეწყერს, სულ მცირე, 11 ადამიანის სიცოცხლე ემსხვერპლა. როგორც BBC წერს, სამაშველო სამსახურმა ნარჩენებიდან 12 დაშავებული პირის ამოყვანა შეძლეს, თუმცა 20 ადამიანის ძებნა ჯერ კიდევ გრძელდება. როგორც ადგილობრივმა სამაშველო სამსახურმა განაცხადა, "ნაკლებად სავარაუდოა, რომ დარჩენილი ადამიანები ცოცხლები იყვნენ, რადგან ისინი 3 დღეა, რაც ტონობით ნარჩენებში არიან მოყოლილი". მომხდარზე გარემოს დაცვითი უწყებების მხრიდან გამოძიება დაიწყო, ხოლო ნაგავსაყრელის ოპერატორ კომპანიას, Prime Integrated Waste Solutions, Inc-ს, ადგილზე საქმიანობის უფლება შეუწყდა. ნაგავსაყრელის ჩამოშლის მიზეზად ფილიპინების ადგილობრივი სამთო და გეოლოგიური ბიურო წინასწარი ანგარიშში გასულ კვირებში მუდმივ წვიმებზე მიუთითებს, რამაც ნაგავსაყრელზე ნარჩენები უფრო დაამძიმა და ასევე, სხვა საინჟინრო ფაქტორებზეც იქონია გავლენა.