პენტაგონის ცნობით, ვენესუელაში სპეცოპერაციის დროს 7 ამერიკელი სამხედრო დაიჭრა

ოფიციალური ინფორმაციის თანახმად, ხუთი სამხედრო სამსახურს უკვე დაუბრუნდა, ორის რეაბილიტაცია კი გრძელდება. ვენესუელაში 3 იანვარს ჩატარებული სპეცოპერაციის შემდეგ აშშ-ის თავდაცვის სამინისტრო(ომის სამინისტრო) არ პასუხობდა მედიის შეკითხვებს ამერიკელ სამხედროებს შორის სავარაუდო მსხვერპლის შესახებ. მედიასაშუალებებმა პენტაგონისგან ინფორმაცია მიიღეს ვენესუელაში ჩატარებული სპეცოპერაციიდან მეოთხე დღეს. ცნობილია, რომ აშშ-ის სპეცოპერაციის შედეგად დაიღუპნენ ვენესუელის და კუბის უსაფრთხოების ძალების წარმომადგენლები. ვენესუელის არმიის მონაცემებით, დაღუპულია 23 ადამიანი. 32 მოქალაქის სიკვდილის შესახებ განაცხადა კუბის მთავრობამ. ამერიკული გამოცემა Washington Post-ი ინფორმირებულ წყაროებზე დაყრდნობით წერს, რომ ვენესუელაში დაიღუპა დაახლოებით 75 ადამიანი, მათ შორის სამოქალაქო პირები, რომლებიც სპეცოპერაციის ეპიცენტრში აღმოჩნდნენ. აშშ-ის მიერ ვენესუელაში 2026 წლის 3 იანვარს ჩატარებულ ოპერაციას და ნიკოლას მადუროსა და მისი ცოლის დაკავებას წინ უძღოდა ტრამპის ადმინისტრაციის სხვა ქმედებები. 2025 წლის ნოემბერში...