პატიმრობა გირაოთი შეუცვალეს ყოფილ მოკრივე გიორგი კანდელაკს გორში ალკოჰოლის და სიგარეტის უკანონოდ წარმოების საქმეზე

როგორც დღეს, 24 დეკემბერს მედიასთან დაადასტურა კანდელაკის ადვოკატმა გაგი მოსიაშვილმა, მისი დაცვის ქვეშ მყოფს სასამართლომ 200 000-ლარიანი გირაო დააკისრა, რის შემდეგაც მან საპატიმრო დატოვა. ფინანსურმა პოლიციამ გორში მოქმედი არალეგალური სასმელების ქარხნის გამო 7 ადამიანის დაკავებაზე ინფორმაცია 17 სექტემბერს გაავრცელა. ერთ-ერთი მათგანი ყოფილი მოკრივე და ბიზნესმენი გიორგი კანდელაკი იყო. თავდაპირველად სასამართლომ შვიდივე მათგანს პატიმრობა შეუფარდა. 2 ნოემბერს ერთ-ერთს მათგანს, 67 წლის ბორის გოგიჩაიშვილს, - რომელიც გორის საკრებულოს წევრი იყო „ქართული ოცნებიდან“, - ასევე გირაო შეუფარდეს, ჯანმრთელობის მდგომარეობის გაუარესების გამო. გათავისუფლებიდან მალევე, 10 დეკემბერს, გოგიჩაიშვილი გარდაიცვალა. ფინანსთა სამინისტროს საგამოძიებო სამსახურის ცნობით, გორში არალეგალურად მოქმედ ალკოჰოლური სასმელების ქარხნიდან და უაქციზო სიგარეტების საწყობიდან ამოიღეს „უპრეცედენტო რაოდენობის, კერძოდ 75 137 ბოთლი ალკოჰოლური სასმელი და 318 000 კოლოფი უაქციზო სიგარეტი“. გამოძიება ამბობს, რომ არალეგალური სასმელების ს...