ოთხამდე გაიზარდა ხარკოვში დაბომბვისას დაღუპუთა რიცხვი

რუსეთის მიერ 13 იანვრის ღამით განხორციელებული დარტყმის შედეგად ხარკოვში დაღუპულთა რიცხვი ოთხამდე გაიზარდა. როგორც ხარკოვის ოლქის ხელმძღვანელმა, ოლეგ სინეგუბოვმა დაწერა, ექვსი ადამიანი დაშავდა. სინეგუბოვმა თავდაპირველად ორი დაღუპულის შესახებ ცნობა გაავრცელა. რუსეთის სამხედროებმა ღამით უკრაინაზე კომბინირებული დარტყმა განახორციელეს, კიევს, ხარკოვს და უკრაინის სხვა დასახლებულ პუნქტებს დაარტყეს. სინეგუბოვს არ დაუკონკრეტებია, თუმცა როგორც ხარკოვის საოლქო პროკურატურა აცხადებს, რუსმა სამხედროებმა "ახალი ფოსტის" ტერმინალს დაარტყეს. რუსი სამხედროები რეგულარულად ესხმიან თავს უკრაინის რეგიონებს სხვადასხვა ტიპის იარაღით - უპილოტო საფრენი აპარატებით, რაკეტებით, საჰაერო თავდაცვის სისტემებით, საზენიტო-სარაკეტო სისტემებით. რუსეთის მთავრობა უარყოფს მიზანმიმართულ თავდასხმებს უკრაინის ქალაქებისა და სოფლების სამოქალაქო ინფრასტრუქტურაზე. უკრაინის ხელისუფლება და საერთაშორისო ორგანიზაციები ამ თავდასხმებს რუსეთის ფედერაციის მიერ ჩადენილ სამხედრო დანაშაულებად აფასებენ და ხაზს უსვამენ, რომ ისინი მიზანმიმარ...