ოსტატ ლეონარდოს გენეტიკური კოდი - მეცნიერებმა, შესაძლოა, რენესანსის ეპოქის გენიოსის დნმ-ს მიაგნეს

მეცნიერთა საერთაშორისო გუნდმა, მაღალი სიზუსტის ანალიტიკური მეთოდების გამოყენებით, დნმ-ის კვალი აღმოაჩინა ნახატზე, რომლის ავტორად ლეონარდო და ვინჩი მიიჩნევა. ის, შესაძლოა, რენესანსის ეპოქის გენიოსსა და უნივერსალურ სწავლულს ეკუთვნოდეს, თუმცა ამის ოფიციალურად დადასტურებამდე ჯერ კიდევ გრძელი გზაა გასავლელი. კვლევა სამეცნიერო ჟურნალ Science-ში გამოქვეყნდა.მეცნიერები ამბობენ, რომ ნახატზე და და ვინჩის ოჯახის გარემოცვის წერილებზე მსგავსი გენეტიკური ნიშნები იპოვეს. ისინი შეესაბამება ტოსკანური წარმოშობის საგვარეულო ხაზს, საიდანაც ლეონარდო და ვინჩი (1452-1519) იყო წარმოშობით. კვლევა ფოკუსირებული იყო წითელი ცარცით შესრულებულ ნახატზე, რომელზეც ბავშვის თავია გამოსახული. სტილისტურად ის ლეონარდოს ნამუშევრის ასოცირებას იწვევს, თუმცა ხელოვნებათმცოდნეთა წრეში მისი ავტორობა მაინც სადავოა.აშშ-ის ჯ. კრეიგ ვენტერის ინსტიტუტის მეცნიერებმა, ჰარინდერ სინგჰის ხელმძღვანელობით, უახლესი ტექნოლოგიური მეთოდები გამოიყენეს, რათა ნახატის წინა და უკანა მხრიდან მცირე ბიოლოგიური ნიმუშები აეღოთ. ამის შემდეგ მათ დნმ თანამედრ...