“ოსკარის” ცერემონია ტელევიზიიდან YouTube-ზე გადაინაცვლებს

2029 წლიდან “ოსკარის”ცერემონია ექსკლუზიურად YouTube-ზე გადაიცემა. ამის შესახებ Variety წერს. აშშ-ის კინემატოგრაფიული ხელოვნებისა და მეცნიერების აკადემიამ YouTube-თან მრავალწლიანი ხელშეკრულება უკვე გააფორმა. მათი პარტნიორობა 2029-იდან 2033 წლამდე გაგრძელდება. ამჟამად ცერემონია ABC-ზე გადაიცემა, რომელიც ღონისძიებას 1976 წლიდან აშუქებს. შეთანხმება YouTube-ს მხოლოდ ცერემონიის კი არა, არამედ წითელი ხალიჩის, გუბერნატორთა ბალისა და ექსკლუზიური კადრსმიღმა კონტენტის გადაცემის უფლებას ანიჭებს. YouTube-ზე, ასევე, ხელმისაწვდომი იქნება ნომინაციების გამოცხადება, სტუდენტური “ოსკარები” და საგანმანათლებლო პროგრამები. ამასთან, პლატფორმა რეკლამების ეთერში გაშვებას გააგრძელებს. ხელმომწერი მხარები იმედოვნებენ, რომ YouTube-ზე გადასვლა “ოსკარის” ცერემონიას “აკადემიის მზარდი გლობალური აუდიტორიისთვის უფრო ხელმისაწვდომს გახდის ისეთი ფუნქციების მეშვეობით, როგორიც არის სუბტიტრები და მრავალენოვანი აუდიობილიკები.“ “ოსკარის” ტრანსლირების უფლებისთვის YouTube-მა არა მხოლოდ Disney-ს (ABC), არამედ Netflix-სა და NBC...